 |
| City Life. AI Image. |
DÉSÉMBER
tepang deui jeung salira
sabada puputeran reujeung jarum waktu
sabada aduglajer barebut
cuaca jeung mangsa
horéng anjog deui di dieu
dina karingrang jeung kamelang
anu poé kamari ngukuntit kénéh
tepang deui jeung salira
sabada puputeran reujeung jarum waktu
sabada aduglajer barebut
cuaca jeung mangsa
horéng anjog deui di dieu
dina karingrang jeung kamelang
anu poé kamari ngukuntit kénéh
tepang deui jeung salira
dina aweuhan tarompét
jeung sora pepetasan
anu ukur ngelir kabagjaan
anu ukur ngulawu saban taun
dina langit pananggalan
dina ringkang riak
urang haben ngaléngkah
kana logak jeung jugang
aya anu ngababatang
waruga urang anu laip
ngahunyud dina tutugan
tanggal
tengahing peuting angka-angka ligar
kalangkang urang samar mulang
2024
TUNGTUNG WAKTU
TUNGTUNG WAKTU
naon deui anu baris dicarikeun?
lamun seuseukeut waktu
nojosan tungtung rorongkong
taya anu nyésa. iwal liwung
anu ngabakutet jirimna
2024
RINGKANG SUBUH
anjog deui
sabada sapeupeuting
ngelunkeun lamunan
kana tihang-tihang janari
sarupaning céda jeung tatu
mulas tegalan balébat
aya nu nyalisib kana lalangit
sukma: kalaip!
dina biwir subuh
horéng ringkang anggang
tina pangsujudan. sedeng kuring
masih nikreuh dina impian
horéng ringkang anggang
tina pangsujudan. sedeng kuring
masih nikreuh dina impian
2024
DAGO
DAGO
mun téa mah manéh téh dayeuh
meureun urang téh langit nu kingkin
leungiteun matapoé
lantaran hantem digarang
ruhak aspal
meureun urang téh langit nu kingkin
leungiteun matapoé
lantaran hantem digarang
ruhak aspal
di tengahing jalan
amparan amarah rarenung
ngahurun saniskara lampah
jeung lambaran kayakinan hirup
ngeunaan tumpukan impian
nu dipaut dina embun-embunan
di dieu ti setopan ka setopan
sora kelakson lir babaung ajag
nu samangsa-mangsa ngerewek dirina
hiji-hiji rangkétan lalakon
ajur di unggal bélokan
sora kelakson lir babaung ajag
nu samangsa-mangsa ngerewek dirina
hiji-hiji rangkétan lalakon
ajur di unggal bélokan
2024
LANGIT SINDANGHAJI
di langit Sindanghaji, sabada girimis ngepris
pabrik-pabrik rarenung dina lalangit impian
laju kamelang ngelun lir haseupna
anu nyulusup kana dada jeung sukma
pabrik-pabrik rarenung dina lalangit impian
laju kamelang ngelun lir haseupna
anu nyulusup kana dada jeung sukma
harita angin reureuh
anu arulin di walungan jeung riak hujan
anu maseuhan galengan
ngaringkang jadi lalakon kosta
laju salira ngubur kakangen dina tumpukan
pelastik jeung lumbukan baju
anu arulin di walungan jeung riak hujan
anu maseuhan galengan
ngaringkang jadi lalakon kosta
laju salira ngubur kakangen dina tumpukan
pelastik jeung lumbukan baju
katineung anu mana deui
anu baris dipelak dina angen-angen?
sedeng amparan taneuh pinuh ku rurungga
beton jeung cucuk paku
boa isuk jaga jirim urang
nu mebes ka puseuring bumi
anu baris dipelak dina angen-angen?
sedeng amparan taneuh pinuh ku rurungga
beton jeung cucuk paku
boa isuk jaga jirim urang
nu mebes ka puseuring bumi
2024
ARIF ABDILAH, lahir di Majalengka taun 1989. Internisti, gelandang di Cacandran.com. Alumni Jurusan Pendidikan Bahasa Daérah UPI Bandung. Keur kuliah kungsi jadi Ketua UKM ASAS jeung Turus. Nulis sajak jeung carpon, dimuat dina majalah Cupumanik, Manglé, Pikiran Rakyat, jeung Tribun Jabar. Buku kumpulan sajakna Hujan di Pajaratan (2020). Ayeuna mancén gawé jadi guru basa Sunda di SMAN 1 Bandung. Sapopoéna ku babaturanana sok digeroan Ayih.
0 Komentar